Тайкпанов Әділ Мұратұлының қайғысына ортақтасып, көңіл айтамыз

Әріптесіміз, ұжымымызда өзінің жарқын бейнесімен орын алған, үздік қорғаушылардың бірі Тайкпанов Әділ Мұратұлының ең қымбат адамы — Анасы бақилық болып, өмірден озды.

Әр адамның өмірінде ананың орны айрықша. Бұл аксиоманы ұғынбайтын, түйсінбейтін пенде кемде-кем. Ал, күллі ғұмырында перзентінің тілеуін тілеп, алақанында аялап, шуағына бөлеп, әлемнің ізгілігін құшағына сыйдырған сондай жаннан айрылу – қандай жүрекке де салмақ салады, қандай сезімді де сағындырады, қандай жанарға да жас әкеледі.

Ананың көзінде Алланың мейірімінің бір ұшқыны бар. Ананың кеудесі пайғамбардың үмбетін сүйгендей, бір жанашырлыққа толы. Ал, ананың табанының астында Жаратқанның жұмыр бастысына дайындаған ерекше сыйы – ұжымақтың жатқаны – тағы да аксиома! Сондай жанды фәниден жоғалтудың қайғысы, әрине, табыттан ауыр, қорғасыннан салмақты, өксігі өзекті өртейді.

Әріптесіміз Әділ Мұратұлына Алла сабыр берсін! Қазаның арты қайырлы болсын! Ізгі жанның Тәңірі алдынан жарылқап, иманын саламат етсін деп дұға етеміз. Әмин!